Августнынъ 31-нде дюньяда даа пек яш «зенаат байрамы» къайд этиле. Бу блогерлер куню – 2005 сене LiveJournal къулланыджылары blog сёзюнде 3108 ракъамларны эслеген сонъ, бу кунь августнынъ 31 олып къалды. Ве, инсан фаалиетинде бу къадар тез денъишкен, эм де мувафакъиет тамам шу къадар элял ве къазанылгъан олгъан зенаат олмаса керек. Бугунь сен санъа язылгъанлар ичюн меракълысын, ярын оларнынъ севгисини башкъа бир кимсе къазанды – ве мына сен энди эбедиен унутылдынъ. Симпатияны сатын алмакъ мумкюн дегиль, джоймакъ исе пек къолайлы. Озь «макъсадий аудиториянъы» тапылувы, бунъа бакъмадан, девамлы интернет-достлукъны ярата биле. «Мен сизден орьнек алам», «Сиз олгъанынъыз о къадар яхшы», «Сизинъ фаалиетинъизни козетем. Сиз меним яшайышыма къуванч къошасыз» — бойле тевсирлерни рагъбетли Instagram-къараманларнынъ неширлери тюбюнде окъумакъ мумкюн. Тамам бойле сёзлерни Къырым сакини, Нияра адлы къызнынъ метинлери тюбюнде окъумакъ мумкюн. Къыз земаневий яшайышта мусульман олмакъ не къадар гузель олгъаны акъта яза. Июль айында къадынлар мусульман тешкилятларынынъ умумрусие съездинде онынъ блогы атта мемлекетте энъ яхшы деп, танылды, тек 7 бинъ имза топласа биле. Блогерлер куню «Россия для всех» порталы @niyaranagaevaдан сорады, онынъ саифеси онъа озюне ве алемге не бере. Эписи смайликлер бу неширде къалдырылды.

 

 

«Биринджи фоторесимни ильк сефер ерлештирип, бир шей язгъанымдан берли эки йыл кечти.  Шимди оны атта хатырламам, чюнки о вакъыт «бу манъа не ичюн кереклиги» акъта тюшюнмей эдим. Бу бойле бир умумий Instagram-мания олгъаныны яхшы анълай эдим.  Меним иш аккаунтым бар эди, амма сонъ-сонъ мен анъладым ки, манъа шахсий саифе керек, анда мен озь фикирлерим иле пайлаша билерим: яшайыш акъта, айры вазиетлер акъта, шахсий фотоларны юклемек мумкюн ве мен ичюн меракълы блогларгъа язылмакъ мумкюн», — деп. хатырлай Нияра.

Эгер даа догъру айтсакъ, къызнынъ биринджи посты – ян-янаша эки эльнинъ фтотресими – бу Нияранынъ ве 96-яшлы къартбабасынынъ эллери эди. Бу инсан акъта сонъра къыз даа чокъ яза. Эр бир къырымтатар къызы ичюн аит олгъаны киби, бу аккаунтта сой-акъраба чокъ, буюклерге урьмет, кичиклерге севги. Амма энъ чокъ – омюр аркъардашынынъ фотолары ве аиледе тынчлыкъ ве аман-эсенлик олмасы акъта фикирлер. Буннен бирге эписи статуслар «ваниль», яни  — идеаль адамларнынъ идеаль мунасебетлери акъта дегиллер. Чокъусы тарифлер бераберликте енъильген агъырлыкълар акъта, шакъа-къораталар, кимерде кулюнчли фотолар.

 

Посмотреть эту публикацию в Instagram

Севем ❤️

Публикация от Niyara Akmullaeva (@niyaranagayeva)

 

«Козьлерими ачам ве акъайыма бакъам.
— Къаве истейсинъми?
— Истейим!
— Бар, пишир», — бойле шейлер чокъ. Амма бираз эвельдже – яш къадын ана-бабасына башкъа шеэрге учь куньге бармакъ ичюн омюр аркъардашындан рухсет сорагъаны, амма о тек эки куньге разы олгъаны акъта тафсилятлы икяе. 

«Билесизми, бир шей къошып олмам. Анам бизни бойле тербиеледи: «Э, мен эр вакъыт балаларыма къуванарым. Э, бу ана-баба эви ве онынъ къапулары даима ачыкъ, амма мусафирликке я да омюр аркъардаш иле я да эки куньге)) Чюнки биз ювадан учып кеткен къушчыкълар киби). Яшча олгъанымда буны анъламай эдим. Амма шимди буннен пек яман разым».

«Омюр аркъардашынъыз блог акъта не тюшюне, пек дюльбер къызгъа мухлислер язгъаны себебинден куньлемейми» киби бизим суалимизге бойле джевап бере: «Меним омюр аркъардашым – меним дестегим ве таянчым. О, пек акъыллы ве догъру фикир эткен эркек. Ве даа бир шей, эркеклер манъа хош сёзлер, яни комплиментлер язмайлар».

Сёз сырасы, фотоларнынъ эксерий къысмы да омюр аркъардашы иле чекильген. Къыз фотоджылар иле сийрек иш тута.

 

Посмотреть эту публикацию в Instagram

Я никогда не признаю, что чего-то боюсь. Будь-то высота, глубина или какой-либо экстрим. Но вчера, за минуту до погружения меня охватила паника и я отказывалась идти дальше, при том, что всё оборудование было на мне☺️. А потом вопросы в голове: разве мой муж организовал эту прогулку на катере, дайвинг и шашлык в пещере на Тарханкуте, чтобы я показала свою трусость?🤪 💭 Нет! Я Нияра Нагаева! И я всегда стремлюсь побороть свой страх! Что я, собственно, и сделала✊🏻. Вдохнула глубже, успокоилась, ещё раз прослушала инструктаж и ушла на дно🙋🏻‍♀️ Если помните, я не умею плавать🏊🏼‍♀️. Написать подробнее об ощущениях, впечатлениях, ценах и организационных моментах?)👀. P.S. Сагъ ол, любимый @veliullaakmullaev ❤️ Когда-нибудь я тебе отомщу прыжком на парашюте 😅😘

Публикация от Niyara Akmullaeva (@niyaranagayeva)

 

Нияра «сиясетшынаслыкъ» ёнелиши боюнджа Къырымнынъ алий юртларындан бирини битирди. Журналист оларакъ чалышты, амма бу зенаатны кечмиште къалдырды. 

«Шимди блогерликтен гъайры мен онлайн сатувлар иле огърашам ве  азачыкъ флористика иле. Балалыкъта мен президент олмагъа ве дюньяны яхшы тарафкъа денъиштирмеге арзу эте эдим. Даа стюардесса олмагъа истей эдим. Блогер олмакъ акъта гъае ёкъ эди. Мен шимди бу статусны озюме даир сийрек къулланам. Менде икътисадиетте олгъаны киби олды: соравдан сонъ тевсие яратылды. Мен озюм чешит фотоларгъа дюльбер, енгиль ве керекли язувларны пек севем. Онынъ ичюн озь неширлеримден сонъ язмагъа къарар алдым. Яхшы чыкъа, гъалиба», — деп пайлаша къыз.

 

 

Саифени алып бармакъ мумнюниетлигинден гъайры, Нияра онынъ ярдым иле эм де пара къазана.

«Аккаунт ярдымы иле къазанылгъан энъ буюк куш  – бу 40 бинъ рубле,  за первое место в номинации «Русиенинъ энъ яхшы блогери. Кузь 2017». Бу пек бекленильмеген ве хош олды, демеге истейим:) Пара къазанмакъны мен «сториз»де реклама ерлештиргеним ичюн 200 рубледен, ве лентада неширлерим ичюн 300 рубледен башладым) Шимди фиятлар бираз юксекче. Даа мен бартер боюнджа ишни пек бегенем. Мисаль ичюн, мени бир де бир ерге, гузеллик салонына давет этелер, сонъра мен саифемде теэссюратларым ве малюмат иле пайлашам. Я да озь махсулатларыны ёллайлар, бу косметика я да суши емеги ола биле».

Амма @niyaranagaeva явлукъкъа ве миллий урбагъа энъ гузель реклам эте. Демек мумкюн. Чешит ренклерни ве фактураларны бир-бирине къошып, къыз иман эткен мусульман къызнынъ корюниши насыл олмасы мумкюнлигини косьтере.

 

 

«Меним кийимлерим, эсасен, Истамбулдан. Анда мусульманлар ичюн урба тапмакъ енгильдже. Гардеробымда экинджи ерде меним дизайним боюнджа тикильген кийимлер тура, — деп, пайлаша Нияра. Саифеде эм де явлукъ багъламакънынъ себеплери акъта фикирлер чокъ. Кимерде атта менфий къыршылыкълар ола, чюнки баш ортьмек адети тамам къырымтатарларгъа аит дегиль экен, кимерде бу чешит шубелер догъура, я да садедже «не керек?» суали пейда ола. 

«Мен явлукъ багълагъаным тек эки йыл. Образларым, эльбет, чокъ дегиль, амма мен тырышам. Ислям дини – бу энъ эвеля темизлик ве дюльберлик олгъаныны косьтермеге тырышам. Буны мусульман къыз образы вастасынен косьтерем, совет ве постсовет джемиетте пейда олгъан белли   стереотиплерни бозам. Сыр тутмайым, ёлгъа явлукъ багълап чыкъкъанда, мен озь сыфатым, арекет тарзым ичюн буюк месулиетлик дуям, чюнки манъа бакъкъанда, ислям динине пай пичелер», — итираф эте Нияра.

 

 

Блогер озю следит в Instagramда Айдан Мамедованы  (хиджаб кийген ве Саратов шеэринде яшагъан аджайип къыз) ве travel-блогер Азизаны (чокъ ерлерде сеяхатта булунгъан ве Москвада яшагъан мусульман къыз) козете. Нияра бир кимсеге ошамагъа истемей. Бугунь о, саифени инкишаф этмек огърунда чалыша,  чокъ джанлы эфирлер кечире, ве озь чичек композицияларынынъ фотоларыны ерлештире. Даа ичтимаий агларда рагъбетликнинъ терс тарафы бар, онынъле яшамагъа огренмек керек, бу куньджилер, тенкъидчилер ве «хейтер»лер (белли олмагъан аккаунтлардан блогерлерни акъаретлемеге севгенлер).

«Мен бу акъта бир къач сефер язгъаным киби, инсаннынъ юрегинде не олса, о тамам шуны акс эте. Бу ёнелиште чалышмакъ ве башкъалар бахтлы олгъаныны корип,  къуванмагъа огренмек керек. Анам балалыкътан огреткени киби, яманлыкъкъа яманлыкъ олмаз. Бу саде бир шей киби корюне, амма буны анъламакъ керек. Эсас иш – озюнъ узеринде иш. Токътамаздан буннен огърашмакъ пек муим».