Koktebel Jazz Party халкъара джаз фестивали бу сене илькиде бирден беш мейданда кечеджек, деп хабер эте тешкилий комитет. Аньаневий Эсас ве Волошин саналарына, эм де Гурзуфта кечкен сене мувафакъиет иле сынап бакъылгъан «Артек»нинъ буюк аренасына Коктебельдеки  аквапарк ве дельфинарий къошуладжакълар.

Koktebel Jazz Party адетиндже язнынъ сонъки куньлеринде артистик  Коктебель къасабасында кечириле. Бу сене о августнынъ 24-26 куньлери кечеджек, иштирак этмек ичюн koktebel-jazz.ru фестивальнинъ сайтында истек бильдирмек мумкюн. 2003-нджи сене Коктебель джазынынъ темельджиси, журналист Дмитрий Киселёвнынъ шахсий тешеббюси киби пейда олгъан тедбир Къырымнынъ визит карточкаларындан бири олды ве халкъара джаз форумлары джедвелинде танылгъан ерни алды.

Кечкен сене кечирильген, 15-джи Koktebel Jazz Party фестивалининъ хедлайнерлери Алманиядан ню-джаз Club Des Belugas йылдызлары ве американ пианоджы Эдвард Пальмиери олдылар. Юбилей фестиваль белли усталарны бирлештирмектен гъайры, намлы иджраджылар иле бир сырада генч чалгъыджыларнынъ  къабилиетлерни нумайыш этмеге имкян берди. Оларнынъ арасында — «Домисолька» бала музыкаль театрининъ соло иджраджылары, Москва медениет департаментинде Бала санат мектеби джаз оркестрининъ иштиракчилери, Къырымнынъ яш истидатлары. KJP-2017 фестивалининъ мусафири РФ президенти Владимир Путин олды.

Йылдызлы иштиракчилернинъ адларыны эр бир янъы фестиваль огюнде тешкилятчылар адетиндже сыр туталар. Чешит сенелер девамында KJP фестивалини эфсаневий  джаз давулджы Джимми Кобб (АКъШ), латин джазы иле энъ гузель альбом ичюн «Грэмми» мукяфатынынъ лауреаты Гонсало Рубакальба (Куба), уникальный саксофонист Роберт Анчиполовский (Исраиль) зиярет эттилер. Умумен 15 йыл девамында Коктебельде юз эллиден зияде белли дюнья джаз коллективи чыкъышта булунды.

Koktebel Jazz Party фестивали  «Россия сегодня» халкъара медиагруппасы, «Россия 1», «Россия-Культура» ве «Россия 24» телеканаллары, «Маяк» радиосы, «Культура» радиосы, «Радио России», «Вести FM» радиостанцияларынынъ информацион дестеги иле кечириле ве фестивальнинъ музыкаль  партнери Радио JAZZ сайыла. Махсус ортакъ оларакъ  «Смоленские Бриллианты» ширкети чыкъа.

Koktebel Jazz Party — бу садедже дюнья севиесинде джаз дегиль — бу акъикъий сербестлик, о музыка, денъиз, вуджут ве гонъюльнинъ екяне вибрациясыны догъура. Фестиваль тешкилятчысы «Красный квадрат» адлы медиагруппа ола.