Багъчасарайнынъ Ханлар сарайында реставрацион ишлер кетишатында граниттен ясалгъан кунеш саатлернинъ цилиндр шекилинде темели тапылды. Бу акъта РИА Новости агентлигине Багъчасарай тарихий-медений къорукънынъ баш мимары Рустем Умеров хабер этти.

«Баш азбар ададанлаштырылувы кетишатында мезарлыкъ тарафтан диварны тегизлегенде цилиндр тапылды. О бираз топракъ тюбюнде эди, темизлегенден сонъ бу – кунеш саатлерининъ гранит темели олгъаны белли олды. Саат сарайнынъ баш азбарында ерлеше эди», — деп, анълатты Умеров.

Фёдор Конюхов ильк сефер Багъчасарай сарайыны зиярет этти
Фёдор Конюхов ильк сефер Багъчасарай сарайыны зиярет этти

Фотоджы Болдыревнинъ (XIX асырнынъ сонъу) архивинде олгъан Ханлар сарайынынъ фотолары иле къыяслагъанда белли олды ки, тамам бу дирек кунеш саатнынъ темели эди, онынъ тёпесинде демир акъреп (гномон) ерлештирильген эди.

«Кунеш саатлери акъта «Русский художественный листок» деп адландырылгъан басма джыйынтыкъта, яни рус рессамы ве график Тиммнынъ 1855-1856 сенелерине аит планларында анъыла. Афсуз ки, шимди кунеш саатлери ерлештирильген санны бельгилемек къыйын, амма онынъ ерини дос-догъру косьтере билемиз», — деп, бильдирди мимар.

Ханлар сарайында кунеш саатлери тургъан тарихий ерде оларны гъайрыдан тиклемек ве ерлештирмек имкяны бармы, ёкъмы киби суаль бугунь бакъыла.