Къадынлар фазилети ислям дининде ич бир вакъыт денъишмей: алчакъгонюллик, итаат, мераметлик. Амма эр вакъыт денъишкен алемнинъ яман ниетлиги уфакъ-тюфек шейлерде сакъланыла. Озюнъи интернете насыл алып бармалы? Пластик хирургларнынъ ярдымыны къулланмакъ мумкюнми?Шеэрде яшамакънен берабер ят эркеклер иле къонушмамакъ мумкюнми?  Бу акъта "России для всех" порталынынъ мухбири теолог ве рухиятчы Зейнеб Баирова иле къонушты.

– Мусульман къадын-къызнынъ земаневий. О насыл экен, аджеба? Къадын озюни мисаль ичюн къавеханеде, спортсалонда насыл алып бармалы?

– Бугунь биз чешит мусульман къадынларны расткетиремиз: динимизни титрев иле риает эткенлер, месулиетликлери азджа олгъанлар я да тек ислям динине менсюп олгъанларынен сынъырлангъанлар. Лякин эр алда ислям динининъ эмирлери   джемиетте озюнъи алып барувгъа нисбетен эр кез ичюн тенъ. О, саде, джемиетте ят эркеклерден къадынларнынъ гузелликлерини сакълагъан урбаларны киймек керек. Оларнынъ дикъкъатыны джельп эткен ве ярамай фикирлер яраткъан арекетлер онъа, табий ки, ясакъ этиле. Ве эльбетте, мераметлик, лютюфкярлыкъ – мусульман къадында мытлакъа олмакъ керек.

Къырымтатарларнынъ балалары
Къырымтатарларнынъ балалары: догъув, ад къоюв ве осьтирюв

– Ичтимаий агъларда, интернете озюнъи алып барув боюнджа айры къаиделер бармы?

– Шахсий аккаунтнынъ эр кес кире бильген саифелеринде тышкъы къыяфетни, дюльберликни  нумайыш этмек мусульман къадын ичюн пек келишмей.  Бу виртуль яшайыш земаневий мусульман къадынлар ичюн къапалы демек дегильдир. Бу виртуаль яшайышнынъ тек озь сынъырлары бар. Алчакъгонъюлли профиль олмалы, къадынынъ тышкъы къыяфетине дикъкъат джельп этильмек керек дегиль.

– Тырнакъларны (чокъкъа еткен махсус маникюр) иле бояламакъ, я да кирпиклер узунлаштырылувы, къашларнынъ, дудакъларнынъ  татуажы  киби косметологик хызметлерге разы олмакъ мумкюнми?

– Къадын озь табиаты боюнджа гузельдже корюнмеге, ильванлар такъмагъа маиль. Ислям бу акътан марум этмей. Тек о озюни дюльберлештирген джемиетни больмек керек. О, омюр аркъардашы, бабасы, агъасы, огълу янында бегенген макияжы ве тырнакълары иле истегени къадар юре биле. Амма ят эркеклер олгъан ерде бу ясакъ.

Амма тышкъы къыяфетни бутюнлей денъиштирген косметик процедуралар, мисаль ичюн, пластик амелият, ислям дининде мумкюн дегиль. Бу ерге кирпиклер узунлаштырылувыны, татуаж ве бунъа ошагъан процедураларны къошмакъ мумкюн. Сонъкилери къадын юзюни бутюн омюрге денъиштирмеселер де, къадын оларны баягъы вакъыт къуллана. О, бу дюльберликни ят эркеклер арасында меджбурий алда косьтере, чюнки бу кирпиклерни ве къашларны эркеклерден сакъламакъ мумкюн дегиль.

Лак абдест алгъанда сув кечирмегени себебинден меселе догъура. Онынъ ичюн абдест алмакътан огюне оны мытлакъа сильмек керек.

– Земаневий яшайышта ислям дини боюнджа къаршы джыныслар арасында сынъырларны бельчилемекнинъ чареси бармы?

– Ят эркек ве къадын бир одада ялынъыз къалмалары мумкюн дегиль. Ят эркек кишинен лаф эткенде къадын назланмамакъ керек, сесини махсус инджелетип къонушмакъ олмаз. Эркек киши къадыннынъ тенине дикъкъатнен бакъмакъ ясакътыр.
Къол тутушув ве дигер токъунувлар ят эркеклер ве къадынлар арасында ясакъ этильген шейлер сайыла.

– Бир вакъытта джамиде эркеклер ве къадынлар булунмасы мумкюнми?

– Намазлар вакъытында джамилерге къатнав эркеклер ичюн сунет сайыла, джума намаз исе олар ичюн фарз сайыла. Къадын-къызларгъа исе джамиге бармакъ ясакъ дегиль, амма намаз эвде къылыса, даа гузель олур. Эгер джамиде булунгъан эркеклер ве къадынлар намазларны айыры одаларда къылсалар, бойле шей ола биле.