Акъмесджитнинъ тарих музейинде Къалга-Султан сарайында кечирильген къазма ишлер вакъытында тапылгъан экспонатлар иле серги ачылды. Ишлер еди ай эвельси ачылды. О вакъыт бина Воровский адына сокъакъта Неаполь Скифский абидекинден  якъын ерде ерлешкени бельгиленди.

Умумен 188 артефакт такъдим этильди, оларнынъ арасында Къырым ханлыгъы девирининъ капиклери,  керамика савутларнынъ парчалары, Османлы тип сигар улелери, джамдан япылгъан шейлер, керамика сув агълар парчалары ве дигерлер.

© Официальный сайт депутата Государственной Думы Бальбека Руслана Исмаиловича
Находки с раскопок дворца Калга-Султана выставили в Музее истории Симферополя

Сергиде эм де Акъ-Мечит ве Акъмесджит XVIII асырнынъ сонъу- XIX асырнынъ башына аит планлар ве схемалар копиялары такъдим этильди. Бу Русие девлет арбий-тарихий архиви фондындан, электрон базадан теслим этильген шеэр корюнишлери, весикъалар.

Къалга – бу Къырым ханлыгъында эмиет боюнджа хандан сонъ экинджи унван. Адетиндже къалгъа ерине ханнынъ тувгъаныны тайин эте эдилер. Сарай Акъмесджитте  ерлеше эди. Сабыкъ сарай не ерде олгъаны акъта тахминен 20 йыл  давалар олды. Къырым Русие эркянына кирген сонъ бу ерде тедкъикъатлар кечирилюви мумкюн олды. Шимдики вакъытта къазма ишлерни девам эттирмек ве объектни медений эмиет ташыгъан абиделер реестрине кирсетмек планлаштырыла.