Актер Александр Половцев «Кубанские новости» газетасына интервью берди, ве анда шахсий яшайышындан эвеллери белли олмагъан тафсилятлары акъта тариф этти. «Улицы разбитых фонарей» адлы культ сериалында майор Соловец ролюни иджра эткен актёрнынъ шимдики омюр аркъардашы къырымтатар экен.

«Эсана чокъ балалы къырымтатар къорантасындан, Новороссийск шеэринден. Питерге адлиеджи олып чалышмакъ ичюн кельди. Биз тесадюфен умумий такъымгъа огърадыкъ. Оны корьгенимнен эсими джойгъанымы анъладым. Озюме айта эдим: «Сен делисинъ, санъа 50 яш, онъа – 27». О заман мен Юлиянен берабер омюр кечиргеним аман-аман 30 йыл тола эди. Буннен берабер Эсанасыз яшап оламайджагъымы анълай эдим. Сиз исе севги дейсинъиз!.. Юлия эр шейни анълады, къыямет къопармады, ве шимди олар меним шимдики омюр аркъардашымнен къонушалар», — деп, итираф этти Половцев.

Актер эм де КМВ иле яш къызгъа озь дуйгъулары иле пайлашмагъа утанмай:

«Мен ичюн севги – бу космос. Эвельки омюр аркъадашымы джаны агъырмасын, мен оны да севе эдим, Эсанадан башым айланды. Мен не юкълап ола эдим, не ашай, не де иче эдим – тек о акъта тюшюне эдим. Оны корьмеге, эшитмеге, сезмеге истей эдим. Амма биз асылында бир-биримизге расткельгенимиз шашыладжакъ шейдир».

Половцев айткъанына коре, Эсана иле янъы никяхта энди къыз ве огълан догъды. 

Александр Половцев — россиели кино ве театр актери, телевизион алыпбарыджы. «Улицы разбитых фонарей», «Убойная сила» сериалларында ве «Восьмидесятые», «Особенности национальной политики», «Елки: 1914», «Лед» киби фильмлерде иджра эткен роллери иле белли.