Киевде меджлис* азаларынынъ топлашувы олып кечти, анда Мустафа Джемилев ве Рефат Чубаров къырымтатар халкъы къурултайынынъ украин версиясыны насыл корьгенлерини бельгиледилер. Бу акъта «Интерфакс-Украина» хабер эте.

Хатырлатамыз,  Къырым Русие иле бирлешкен сонъ Къырымда миллий парламент янъыдан яратылды ве тасдыкъланды. Онынъ сонъки топлашувы 2018 сене ноябрь айында олып кечти. Онынъ кетишатында Къырым муфтиси Эмирали Аблаев янъы муддетке тайинленди. Джемилев ве Чубаровнынъ пешинден  Украина кочип кеткен къурултай делегатлары озь топлашувларыны девам этелер ве оларны къануний деп, саялар.

«Бу сене къурултай делегатларынынъ беш йыллыкъ векялетлери сонъуна келе… Къырымтатар халкъы къурултайынынъ регламентине коре, Къурултай делегатлары янъы Къурултай сайлангъан сонъ биринджи сессияда озь векялетлерини токътаталар. Демократик сайлав кечирмеге ве янъы Къурултай топламагъа бизим имкянларымыз ич те олмагъаны себебинден, шимдики Къурултай делегатларынынъ векялетлери автоматик шекильде девам эттириле, деп, сая билемиз", — меджлиснинъ* экс-ёлбашчысы Мустафа Джемилев айткъан сёзлерни агетлик алынма шекилинде бере. О, тамам ноябрьнинъ 13-де озь 75-йыллыгъыны къайд этти. 

Шимдики меджлиснинъ* ёлбашчысы Рефат Чубаров миллий топлашувны шимдики шекильде «бузлатмакъ» ве озь ёлбашчылыгъыны сакълап къалмакъ къарарыны тасдыкълады. Бу янъы намзетлерни тасдыкъламакъ ичюн шараитлер янъыдан пейда олмагъандже:

«Тек янъы Къурултай сайланса ве янъы сайлангъан къурултайнынъ биринджи сессиясы топланса, тек о заман шараит пейда ола биле. Бойле этип, бу шимди чалышкъан къурултай делегатларнынъ векялетлери илериде де бу делегатлар иле иджра этиледжек», — деди Чубаров.

Миллий парламентке эм де янъы азаларны къабул этмек мумкюн дегиль, эскилерден исе язув шекилинде тасдыкълав алынды: олар янъы тертип сайланмагъандже, озь ишлерини девам этмеге азырлар. Имзалар топланылувы иле Джемилев ве Чубаров эм де украин къурултайынынъ къач азасы олар иле чалышмагъа азыр олгъанларыны бельгилемеге планлаштыралар.

* — Русиеде ясакъ этильген тешкилят