Къырым парламентининъ мебуслары Къырым муэндислик-педагогика университетининъ президентине «Къырым джумхуриетининъ шерефли гражданы» деген унванны бермек акъта къарарны къабул эттилер. Бойле къарар бугунь КъДж Девлет Шурасынынъ сессиясында къабул этильди.

Къырым парламенти адресине бойле тешеббюсни тасиль, илим ве яшлар назири Наталья Гончарова сеслендирди. Онынъ формулировкасы «Къырым Джумхуриетинде илим ве тасиль инкишафына буюк шахсий иссе къошкъаны ичюн, барышыкъ ве муаббетлик пекитилювине догъуртылгъан семерели джемаат фаалиети ичюн, эм де Къырым муэндислик-педагогика университети яратылгъанынынъ 25-йыллыгъы себебинден».

Февзи Якубов университетнинъ темель къоюджысы ве биринджи ректоры ола, алий окъув юрт «сюргюнликтен къайткъан къырымтатарларнынъ ихтияджларыны назаргъа алып», 1993 сенеси чалышып башлады.

1837 сене Акъмечит районында догъды. Къорантасы иле сюргюн олунды. Ташкентте политехник институтны битирди. 1966 сене намзетлик диссертациясыны къорчалады. Техникий илимлер докторы (1984), профессор (1985).

Бугунь Къырым муэндислик-педагогика университетининъ ёлбашчысы Февзи Якубовнынъ огълу  – Чингиз Якубов ола.