Янъы окъув мевсиминден къырымтатар тилини огренмеге ве бильгилерини теренлештирмеге  истеген эписи истеклилер ичюн бойле имкянны муфтият такъдим эте. Бедава курснынъ дерслери башлана. Бу акъта Къырым мусульманлары диний идаресининъ матбуат-хызмети хабер эте.
«Биринджи дерс 2018 сененинъ сентябрь 10 куню саат 18:00 кечириледжек. Онынъ девамында дерслернинъ джедвелини тизмек планлаштырыла. Джедвель курсларгъа къатнамагъа истегенлерге келишмек керек. Курсларнынъ программасы 4 айлыкъ тасильни назарда тута.  Оларны филология илимлер намзети, къырымтатар тили ве эдебиятынынъ уйкен оджасы Ремзие Аметовна Берберова алып бараджакъ», — деп, языла матбуат-хызметнинъ месаджында.

Тешкилятчылар эм де къайд этелер ки, дерслер энъ эвеля къонушув алышкъанлыкъларны арттырмакъ ве грамматика темелини огренмек макъсадына догъуртыла.