Языджы Диана Кади агъ видеолейхасыны ачты, анда о, экспертлерге сёзнен дегиль, ишнен озь акълылыгъыны исбатламакъ тевсие этиле. Къырымтатар къызы мусафирлерге «Пари» видеоблогында иштирак этмеге тевсие эте, онынъ вазифеси – айтылгъан фикир ичюн месулиетли олмакънынъ эмиетлигини къайд эте. Юткъызгъан вакъытта насыл арекет япмакъ кереклигини къараман озю сечеджек.

«Мусафирлер чешит оладжакълар: сиясетшынаслар, языджылар, журналистлер, джемиет фикирлеринниъ лидерлери. Къавиль — бу лейханынъ эсас къысмы ве эр бир эксперт иле бахс этиледжек. Программа черчивесинде мен «Патриоты на деле» адлы акцияны башладым, демагогия азджа олсун, ишлер исе артсын, деп. Русиени насыл севмек кереклиги акъта фикир юрьсетмек ичюн чокъ акъыл керекмей, ватанперверликни конкрет арекетлер иле тасдыкъламакъ исе — бу энди агъырджадыр. Сёз сырасы, къырымтатар мевзусы мытлакъа оладжакъ, бунъа бутюн бир чыкъыш багъышланаджакъ», — деп, тариф этти Кади «Россия для всех» порталынынъ мухбирине.

Биринджи программанынъ мусафири Дмитрий Линтер олды, о, «Ночной Дозор» адлы такъымнынъ лидери. Бу инсан Таллинде совет арбийлерине багъышлангъан абиденинъ ери денъиштирильмесине къаршы чыкъты. Субет девамында  о эминлик иле айтты ки, АКъШ-да якъалангъан ве шпионажда къабаатлангъан Мария Бутинаны якъында азат этеджеклер.  Программанынъ муэллифи бу тахмин керчек олмаса, джевап бермеге тевсие этти. Линтер ваде этти ки, эгер Бутина азат этильмесе, башынынъ сачларыны аладжакъ. Эгер де сиясий фаальджи акълы олса, Кади озь невбетинде онъа къырымтатар емеклеринден бирини пиширеджек.