Крымтатар джемиетчилери общественники направили официальные обращения министру иностранных дел РФ четэль ишлер назири Сергей Лавровгъа ве онынъ озьбек зенаатдашына Абдулазиз Камиловгъа догъру «Ташкент-Симферополь» авиарейслери тешкиль этилюви акъта ярдым этмеге риджа этелер. Бойле авиабагъ кереклиги акъта къарар «Къырым бирлиги» джемиет тешкилятынынъ конференциясында къабул этильди, анда Озьбекистанда яшагъан къырымтатарлар да булунды.

«Догъру багъ девамлы вакъыт бир территорияда яшагъан ве достане, аилевий ве тувгъан мунасеьетлер иле багълангъан Озьбекистан ве Къырым сакинлери ичюн мусафир ве медений джеээтен баягъы енгиллештиреджек. Бу эм де медениет, тасиль ве ичтимаий сада джемиет мунасебетлерге де тесир эте. Мусафир ве туристик кезинтилер саделештирилюви  имкяниети  чокъусы меселелерни чезмеге ёл ачаджакъ. Бу сой-акърабагъа ве достларгъа  мусафирликке бармакъ, сюргюн этильген къырымтатар халкъынынъ реабилитациясы иле багълы весикъаларны догъуртмакъ ве гъайрыдан тиклемек, нефакъа ве девлет тащминатлары тайинленюви, эм де сой-сопнынъ мезарлыкъларына бармакъ, бакъмакъ киби диний мерасимлер кечирилювине аит», — деп, языла весикъада.

Ярдым этмек акъта мураджаат эм де Къырым Джумхуриети ёлбашчысына Сергей Аксеновгъа ве Денвлет Дума мебусына Руслан Бальбекке ёлланылды.

Эвеллери «Къырым бирлиги» тешкилятынынъ реиси Сейтумер Ниметуллаев «Россия для всех» порталына тариф эткен эди ки, догъру учувлар кереклиги къырымлылар ве Озьбекистан гражданлары арасында къырымтатарлар сюргюн этильген сонъ тувгъан ве достане мунасебетлер олгъаны иле багълы.

«Чокъ къырымтатарлар Озьбекистанда яшай. Бу ерде оларнынъ тувгъанлары комюльген, анда бизим тувгъанларымызнынъ мезарлары. Анда мезарлыкъкъа бармакъ керек ола. Ве, эльбетте, туризмни ве Озбекистан гражданларыны Къырымда тедавийлевини гъайрыдан тиклемек керек. Бугунь адамлар Москвадан я да Краснодардан учмакъ ичюн чокъ пара масраф этелер», — деп, къайд этти Ниметуллаев.

Къырымгъа халкъара авиаучувлар умудюнья авиацион тешкилятларнынъ санкциялары себебинден ясакъ этильди.