Къырымнынъ кинотеатрлеринде режиссер Длявер Дваджиевнинъ «Хыдыр-деде» деп адландырылгъан тарихта ильк къырымтатар бедий фильм-масал прокаткъа чыкъты, деп хабер эте РИА Крым.

Трейлерде къайд этильгенине коре, фильм сейирджини XVIII асырлыкъ Къырым муитине далдыра.

Фильмде косьтерильген XVIII асырда юзь берген вакъиалар ве тарихий земин акъта тевсир этерек, фильмнинъ продюсери Лиля Буджурова къайд этти ки, «тарих парчасыны къаплап алмакъ муим эди, о вакъыт эписи аньанелер, урф-адетлер, турмуш.  инсаний мунасебетлер даа акъикъий эди».

© Фото: студия Qaradeniz production
Ильк къырымтатар «Хыдыр-деде» киномасалынынъ такъдимнемесинде филь кадрларынынъ фотолары

«Биз къырымтатар аньанелери акъта сыкъ айтамыз, хатырлаймыз, оларны гъайрыдан тиклеймиз, чюнки оларнынъ кимерлери белли себеплерден джоюлгъан эди. О девирни косьтермеге истедик, о вакъыт мунасебетлер, ахлякъий императивлер, аньанелер шимдики сыфатта такъдим олунды», — деп, анълатты о.

Фильм темелини яраткъан эфсане акъкъында сёз юрьсетерек продюсер о акъикъий къырымтатар олгъаныны къайд этти.

«О — дюльбер, онынъ асылы къырымтатар. Дин иле багълы адамлар бизни  о ислям динине къаршы кельгени себебинден атта тедкъид эттилер. Эгер Хыдырлез байрмы мевзусыны дикъкъат иле огренсек, о тек къырымтатарларнынъдыр. Башкъа ич бир ислям халкъы арасында о ёкъ. Бу бизим темелимиз, бу ал бизни садедже башкъа халкълардан  дегиль де, ислям динини кутькен башкъа халкълардан айыра», — деди Буджурова.

© Фото: студия Qaradeniz production
Ильк къырымтатар «Хыдыр-деде» киномасалынынъ такъдимнемесинде мусафирлер

Съемкалар дюльбер ерлерде ве тарихий интерьер арасында, айры алда  в Зале Диванов Багъчасарай  ханлар сарайынынъ Диван залында кечти. Бу иште фильм яратыджыларына Джумхуриетнинъ медениет назирлиги ярдым этти. Къалгъан джерьянгъа олар киришмедилер.
«Медениет назири сагъ олсун, хусусан бинада (Ханлар сарайында — муаррир) кечирильген съёмкалар ичюн… Къалгъан шейде — ич бир иштирак олмады», — деди  продюсер.

Фильмнинъ продюсери яш сейирджилер масалны джошкъунлыкъ иле  баккъанларыны къайд этти.
«Мен эльчырпмаларны, къуванч, айрет корьдим», — деп. къошты о.

© Фото: из соцсетей
Ильк къырымтатар «Хыдыр-деде» киномасалынынъ продюсери Лиля Буджурова Къырым медениет назири Арина Новосельскаягъы ёллангъан мектюп

Буджурова хабер этти ки, фильмге прокат шеадетнамеси берильди. Онынъ сёзлерине коре, ярымадада июльнинъ 4-не къадар масалны Акъмесджит, Красноперекопск, Судакъ, Акъшейх, Симеиза ве Къурман районынынъ Петровка коюнде  корьмек мумкюн.
Продюсер итираф этти ки, лейханы башлагъанда яратыджылар онынъ тиджарий тарафыны тюшюнмеген эдилер.

«Умют этем ки, бир де бир къысымны прокат иле къайтарармыз. Бельки, бир кимсе фильмни сатын алмагъа истер. Амма бу эсас шей дегиль. Бизим огюмизде энъ эвеля балалар ичюн толу метражлы фильм яратмакъ вазифе тура эди», — деп. къайд этти  Буджурова.

Къырым Джумхуриетининъ медениет назири Арина Новосельская кинолентаны  «истидатлы» деп адлады.

© Фото из соцсетей
Ильк къырымтатар «Хыдыр-деде» киномасалынынъ афишасы

«Мен бу дюльберликни премьерадан эвель корьмеге имкяным олды. Бу буюк истидатлы иш, мен чокътан-чокъ артистлеримизни корьдим, истидат иле беджерильген операторлыкъ ишини, чалгъыджыларнынъ аджаийп ишини.  Ве эльбетте, фильм — бу акъикъий юксеклик, фильм продюссерлерининъ, Эльзара Ислямова ве Лиля Буджурованынъ иджадий учувы. Акимиет иле даима иш тукъанынъыз ичюн. Къырымгъа садыкъ олгъанынъыз ичюн, озь истидатынъызгъа ишангъанъыз ичюн ве бугунь бизге бойле байрам багъышлагъанынъыз ичюн  сагъ олунъыз», — деп, тебрикледи о фильм яратыджыларыны Акъмесджитте кечкен такъдимнамеде.

Балалар ичюн махсус косьтерювлер тешкиль этилюви планлаштырыламы, ёкъмы фильм яратыджылары къайд этмедилер.