Миллий сиясет боюнджа месулиетли олгъан Къырым Джумхуриети Девлет шурасынынъ реис муавини Ремзи Ильясов истифагъа кетмек акъта ариза язды. Бу акъта идаренинъ ресмий сайты хабер эте.

«Къырым парламентининъ вице-спикери Ремзи Ильясов Къырым Джумхуриети Девлет шурасынынъ реисине Владимир Константиновгъа  векялетлерини муддеттен эвель токътатмакъ ве чалышкъан Къырым Джумхуриети Девлет шурасынынъ реис муавини вазифесинден озь истеги иле азат этильмек акъта ариза язып, мураджаат этти, О озь векялетлерини даимий шекильде беджере эди», – деп, языла Къырым парламенитининъ матбуат-хызметинде.

Ремзи Ильясов вице-спикер вазифесинде 2014 сене майыс айындан, Русие иле бирлешювден сонъ Къырым Джумхуриетинде янъы акимиет органлары шекилленген вакъыттан берли чалышты. 2014 сененниъ декабрь айындан башлап къырымтатар халкъынынъ региональара джемиет арекетининъ ребери ола.