Баш мукяфат Самургашевлар агъа-къардашына берильди.
Ростове-на-Дону шеэринде юнан-рома куреши боюнджа Русие такъым Купы ойналды.
Ярышларда 11 такъым (Самургашевлар агъа-къардаш клубы, Нижний Новгород, Новосибирск, Ростов-на-Дону, Санкт-Петербург, Москва виялети, Къырым, Мордовия, Дагъыстан, Красноярск ве Астрахань) иштирак эттилер.
Финалда Самургашевлар агъа-къардаш клубындан турнир къонакъбайлары Мордовия джыйма такъымыны 6:2 эсап иле енъдилер.
Учюнджи ер огърунда кечирильген матчта Новосибирск шеэрининъ джыйма такъымы Красноярск такъымыны къошма косьтергичлер иле енъди (4:4).
Бу ярышларда ильк сефер иштирак эткен Къырымнынъ джыйма такъымы нетиджевий единджи ерни алды (Санкт-Петербург, Астрахань ве Нижний Новгород такъымлары артта къалдылар).
Озь такъымында семетдешлеримиз Мордовия, Красноярск, Дагъыстан ве Астрахань джыйма такъымлары иле корюшувлер кечирдилер (тек Астрахань такъымыны енъъип олдылар).
crimeansport.ru