Ярымадада ильк сефер миллий куреш боюнджа Умумкъырым ачыкъ чемпионат олып кечти. Ярыш Джумхуриет ёлбашчысынынъ имаеси алтында кечирильди. Бойле микъязлы спорт тедбирнинъ тешеббюсчиси Девлет дума мебусы Руслан Бальбек олды. Озь къабилиетлерини нумайыш эткенлер арасында эм яш курешчилер, эм де мутехассыслар, Авропа ве дюнья чемпионлары олдылар.

Бу тедбир джумхуриет спортчылары ичюн энъ чокъ бекленильген спорт ярыш олды. Бош ерлер къалгъаны ёкъ. Эр бир спортчы гъалебе къазанмагъа ниет эте. Баш мукяфатны, ярымаданынъ энъ кучьлю курешчиси къушагъыны къазанмакъ ичюн Къырымнынъ чешит кошелеринден 150-ден зияде спортчы топланды.

Куреш — къушакълар ярымынен тутушувлар — рагъбетли спорт чешитидир, онынъ тамырлары бизни тарихкъа далдыра. Батырлыр, пельванлар эвель заманлары озьара меракълы ярышлар кечире эдилер.

Умумкъырым ачыкъ чемпионатнынъ макъсады курешни рагъбетлештирмек ве умумий спортив гъалебелер этрафында къырым сакинлерини бирлештирмек. Къушакълар иле куреш ресмий шекильде дюнья олимпик сайылмагъан спорт чешитлери сырасына кирсетильди, эм де халкъара Федерация чалышмакъта.

Спортта беден тербиесинден гъайры, эсас ерни яхшы ниет ала. Ноябрьнинъ 5-ден 16-на къадар ярымаданынъ эписи шеэрлеринде сечюв турлар кечти. Чокътан-чокъ курешчилер арасында 150-ге якъын иштиракчи сечильди. Чемпионатта 70, 80, 90 ве 90-дан зияде кило эм де абсолют категорияда гъалиплер бельгиленди. 4 категорияда биринджи ерлерни къазангъанлар машналар эльде эттилер, экинджи ве учюнджи ерлерни къазангъъан спортчылар исе 100 ве 50 бинъ рублелик пара мукяфатларнен такъдирлендилер.

Куреш инсаннынъ табиатыны тербиелей. Курешнинъ эсас хусусиети: эгер ракъипни йыкъмагъа тырышсанъ, озюнъ де догъру йыкъылмагъа огрен. Идманджылар тутушувлар девамында озь спортчыларына тевсиелер берелер. Бу атув Изет Кадыров ичюн аль этиджи олды. 10 йыллыкъ теджрибе унванны къазанмагъа ярдым этти.

Чыдамлыкъ ве техник чизгилер спортчылар ичюн энъ муимдир. Энъ эсасы ракъипнинъ техникасыны анъламакъ ве озь тактиканъы ишлеп чыкъармакъ. Марлен гъалебе къазанаджагъында эмин эди.

90-дан зияде чеки категорияда Акъмесджит сакини Илимдар Саидов олды, о Джумхурий спортив «Мангуп» клубыны такъдим эте. Гъалип шерефли унвангъа наиль олды ве эвге Хюндай Солярис иле къайтты.

Турнирнинъ абсолют чемпионы Гурам Курткоев олды. О айта ки, нетиджевий куреш энъ агъыр олды. Чемпион къушагъындан гъайры, о, 200 бинъ рублелик пара мукяфатыны къазанды.

Къырымнынъ чешит кошелеринде Руслан Бальбекнинъ «Эр бир мескен ерге спорт салоны» серлевалы хайрие программасы боюнджа махсус спорт салонлар къурула. Шеэр ве район спорт ярышлар кечириле. Миллий куреш боюнджа бу турнир эр йыл кечириледжек.

© Д.Суфьянова
В Крыму определили сильнейшего борца полуострова