Акъмесджи сакини Азамат Закуев (онынъ идманджылары — Арсен Закуев ве Эдем Муратов) 20 яшкъадже юниорлар арасында сербест куреш боюнджа тупик биринджилиги деп адлангъан ярышнынъ гъалиби олды. Бу 1998-2000 сенелери догъгъанлар, оларнынъ чеки категориялары 92 килогъадже. Финал ярышта «Крым-СПОРТ» мектебининъ талебеси Шималий Осетия-Алания мемлекетинден кельген Асланбек Сотиевни агъыр куреште енъди, эсап 2:1 олды.

86 килогъадже чеки категорияда Кезлев сакини Демид Караченко (онынъ идманджысы — Замир Авамилев) учюнджи ерни къазанды. Бойлеликнен, Къырымнынъ джыйма такъымы турнирде эки медаль эльде этти. Умумен Хасавюртта секиз Къырым сакини чыкъышта булунды.

Биринджилик сербест куреш боюнджа бу яштаки эписи спортчыларны, 200-ден зияде иштиракчини топлады. Энъ кучьлюлерни он чеки категорияда бельгиледилер.
Малюмат

«Тупик Русие» термини умумрусие ярышларгъа нисбетен къулланыла, оларда юксекче севие турнирлери, Авропа ве дюнья биринджиликлери кечирильмей.

Къырым Джумхуриет спорт куреши Федерациясы мальземелери боюнджа