Эки къырымлы спортчы юнан-рома куреши боюнджа ярышларда мукяфат къазандылар. Ярышлар Русие талебелерининъ VIII язлыкъ Спартакиадасы черчивесинде джума эртеси куню, июльнинъ 8-де, Ростове-на-Дону шеэринде кечти.

Боксчы Павел Дорошилов
Боксчы Павел Дорошилов: фанатларнынъ дестеги ярдым ерине кедер эте

Тунч медаллерни джумхуриетке Дилявер Сейдалиев (58 килогъадже чеки категорияда) ве Ридван Османов (63 килогъадже агъырлыкъта) кетирдилер. Олар бу спорт чешитинде ярымаданы тек экиси такъдим эттилер  деп хабер эте КъДж спорт курешининъ Федерациясы. 

«Биз хабер эткенимиз киби, Къырымдан бу ярышларда чыкъышта булунмакъ акъкъыны Дженюбий федераль округ биринджилигининъ гъалиплери оларакъ эки спортчы эльде эттилер», — деп, хабер эттилер федерацияда.

Джумхуриет эйетининъ ребери юнан-рома куреши боюнджа Къырым генчлер джыйма такъымынынъ идманджысы Ленур Мамедов олды. О, эм де Ридван  Османовнынъ устазы сайыла.