Акъмесджит сакини Амин Текушев Къарачай-Черкесиянынъ пайтахтында, яни Черкесск шеэринде кечкен "Мемориал защитников перевалов Кавказа" адлы сербест куреш боюнджа Умумрусие усталыкъ турниринде тунч мукяфатнынъ саиби олды.
Текушев, "Крым-СПОРТ" муэссисесининъ талебеси, 74 килогъадже чеки категорияда учюнджи ерни алды.
Турнир 1977 сенеден берли кечириле, бу сене о илькиде "Юбилейный" адлы спорт сарайында кечти.

Ярышларда Русиенинъ 13 регионындан 160 курешчи иштирак эттилер. Гъалиплерге Русие спорт устасы унваны бериле.
Энъ гузель нетиджелерни турнирде Дагъыстанлы спортчылар косьтердилер, олар учь алтын медаль къазандылар. Экинджи ве учюнджи ерлер —Къарачай-Черкесия ве Ставрополье дживарынынъ такъымларында.
https://www.crimeansport.ru/news/4431/