Русие джыйма такъымы эписи учь программа боюнджа — юнан-рома, сербест ве къадын-къызлар курешинде "Авропа миллетлери купынынъ — АЛРОС купынынъ" саиби олды. Спорт куреши боюнджа Авропанынъ баш такъым турнири Москвада ноябрьнинъ 11-12 куньлери кечти.

Бизим классиклеримиз Акърусие джыйма такъымларыны енъдилер — 7:1, Гурджистан — 8:0 ве Венгрия — 6:2. Къырымны такъдим эткен Адам Курак бир тутушув кечирди ве гурджи Юрий Ломадзени енъди — 5:1.

Русиели сербест курешчилер учь матч корюшувде гъалебе къазандылар: Гурджистан иле — 7:1, Молдова иле — 8:0 ве Азербейджан иле — 5:3. Къырым сакини Виктор Рассадин эки дефа килимге чыкъты ве эки сефер де гъалебе къазанды. Онынъ уджумына гурджи Эдеми Болквадзе — 10:0 ве азербейджан Агагусейн Мустафаев — 7:2 даянып оламадылар.
Къадын-къызлар такъымынынъ гъалебеси даа гузель олды. Къызларымыз Украинаны дарма-даргъын эттилер — 7:1, ве 8:0 эсап иле Руманияны ве Азербейджанны енъдилер.
crimeansport