Къырым акимиетининъ реис муавини Виталий Нахлупин ярымадада «гизли пляж зияретчиси» вазифесини корсетмеге тевсие этти.

Авропанынъ энъ сексуаль дёрт пляжындан бириси Ялтада экен
Авропанынъ энъ сексуаль дёрт пляжындан бириси Ялтада экен

Озь тешеббюси акъта о, джумхуриетнинъ беледие тешкилятлары мемуриетлерининъ ёлбашчылары иле видеобагъ боюнджа топлашув кетишатында, чаршембе куню, июннинъ 7-де илян этти, деп, хабер эте РИА Новости.

«Меним тевсием бар: келинъиз «гизли пляж зияретчиси» киби бойле бир вазифе кирсетейик (мен буны мизах иле айтам). Ислям терек районына къомшу район келе. Къомшу районгъа Ислям терек район келе, Ялта Алуштаны зиярет эте, Алушта Ялтаны зиярет эте. О вакъыт, ишансанъыз, сизде пляжларгъа кириш къапалы олгъаны акъта бутюнлей башкъа малюмат олур», — деди Виталий Нахлупин, КъДж курорт ве туризм назири Сергей Стрельбицкийге мураджаат этерек.

Джумхуриетнинъ вице-премьер назири айткъанына коре, гражданлар Къырым ёлбашчысы Сергей Аксёновгъа  ичтимаий агълар вастасы иле къапалы пляжлар акъкъында чокътан-чокъ кере мураджаат эткенлеринден себеп олды.

«Биз Сергей Валерьевичнинъ (Аксёнов) авалеси боюнджа керекли чарелерни тез бакъмакъ керекмиз», — деп, бильдирди о.

Къырымнынъ янъы тимсали оларакъ Ватник мышыкъы тевсие эттилер
Къырымнынъ янъы тимсали оларакъ Ватник мышыкъы тевсие эттилер

Эвель курорт ве туризм назирлигининъ башы идаре беледиелерге къапалы пляжларны къайд этмек риджасы иле мектюплер ёллагъаны акъта хабер эткен эди.

«Мен бугунь айта билем, ич бир территория меселелери алгъаны акъта бильдиргени ёкъ. Яни бойле проблемлер не Ялтада, не Алуштада, не Кефеде, не Кезлевде, не Сакъта — бир ерде ёкъ», — деп, хабер этти Сергей Стрельбицкий.

Буннен бирге беледиелер къапалы пляжлар олмагъаны акъта эсабат берселер де, Стрельбицкий айткъанына коре, назирликте  бойле пляжлар акъта малюмат бар.