Адлиеджи Бахром Исмаилов джевап бере:

Русиеде бала багъчасында ер теслим этюв бир къач федераль ве   региональ къанун иле бельгилене. Бала багъчагъа алынувда эсас шартлардан бири – мектептен эвель бала муэссисеси ерлешкен ер боюнджа беледие тешкилятында къайд этилюв сайыла. Лякин ана-бабалар, къоранта бир ерде къайд этилип, башкъа ерде яшагъанлары сийрек дегиль. «Прописка олмаса. баланы яшагъан ерде багъчагъа бермек мумкюн дегиль» деген фикир янълыш. Бала багъча кенджени пропискасыз да къабул эте биле, амма эгер багъчада бош ерлер олса. Эгер сиз квартираны агентлик ярдымынен кирагъа алсанъыз ве сизде буны тасдикълагъан весикъа (мисаль ичюн киралыкъ анълашмасы) олса, яшагъан еринъизде баланы багъчагъа бере билесиз.  Ерли тасиль болюгине мураджаат этмек керек. Бойле алда керекли весикъалар такъымына квартираны кирагъа алув акъта анълашманынъ копиясы къошула. Бу вакъыт мутехассыснынъ атта къайд этилюв олмаса биле, сизни невбетке къоймагъа акъкъы бар.