Халкълар бирлик куню, ноябрьнинъ 4-де «Россия для всех» интернет-порталынынъ ве «Одноклассники» ичтимаий агъынынъ махсус лейхасы черчивесинде чешит миллетлерге менсюп олгъан белли инсанларнынъ видеочатлары нешир этиледжек.
Ичтимаий агълар къулланыджылары иле спорт комментатор Нобель Арустамян, Ксения Бородинанынъ омюр аркъардашы, бизнесмен Курбан Омаров, дизайнер Айза Анохина, куреш боюнджа олимпик чемпион Абдулрашид Садулаев, совет ве Озьбекистлы футболджы ве идманджы намлы гимнастка Алина Кабаеванынъ бабасы, Марат Кабаев къонушаджакълар.
Йылдызлар OK Live стриминг илявеси ярдымынен джанлы эфирге чыкъып, къулланыджыларнынъ энъ меракълы суаллерине джевап береджеклер. Трансляцияларнынъ кунюни ве вакъытыны «Одноклассники» агъында йылдызларнынъ ресмий саифелеринде тапмакъ мумкюн.

Бундан гъайры байрамгъа багъышланып, «Неделя национальностей», яни «Миллетлер афтасы» адлы иляве яратылды. Мында къулладжылар чешит халкъларнынъ медениети ве урф-адетлери акъта видеороликлерни коре биледжеклер. Иляве ярдымынен чешит миллетлернинъ аньанелери, емек рецептлери, дикъкъаткъа ляйыкъ ерлери акъта меракълы малюмат ала биледжеклер.

«Бизим эсас макъсадымыз — мемлекетте миллетлерара мунасебетлерни эйилиштирмек, бу иште исе энъ яхшы алетлерден бири, эльбетте, русиеде яшагъан халкъларны бир-бирининъ тарихы ве аньанелери иле таныштырмакъ. Бу мальземелерде не къадар меракълы ве урьметке ляйыкъ малюмат тапмакъ мумкюн олгъаныны сиз атта тасавур этип оламайсыз. Ве "Одноклассники" агъындан бизим зенаатдашларымыз тевсиемизге бойле фааллик иле сесленгенлери бизни пек къувандырды», — деди МИА «Россия сегодня» ХИА девлет интернет-лейхалар мудирлигининъ башы Елена Давыдова.

Халкълар бирлиги кунюне эм де флешмоб кечеджек, онынъ черчивесинде къулланыджыларгъа #деньнародногоединства хештеги ярдымынен севимли миллий ашынъыз, аньенелер я да урф-адетлер акъта пайлашмакъ тевсие этиледжек.
«Россия для всех» адлы интернет-портал ве «Одноклассники» ичтимаий агъы «Миллетлер афтасы» адлы махсус лейханы энди экинджи кере тешкиль эте. Ильк сефер о 2015 сене ишини башлап, къулланыджыларнынъ буюк мерагъыны догъургъан эди.

Махсулат Москва шеэрининъ кутьлевий малюмат васталары ве реклама Департаментининъ маалиевий дестеги иле чыкъарылды