Къырым Джумхуриетинде миллетлер ишлери боюнджа девлет комитетининъ реиси Заур Смирнов базар эртеси куню саба, сентябрьнинъ 16-да бу иштен кетмек акъта ариза яздыдеп, хабер эте РИА Новости ве регион акимиетинде менбаагъа эсаслана.

Девлет миллетлерара комитетнинъ башы бунынъ себебини «озь истегим иле» деп, язды.
Къырымда меракълы той анбанелери нумайыш этиледжек

«Керчектен де, о иштен кетмек акъта ариза язды», — деп, бильдирди менбаа.

Бундан сонъ иштен бошатылувнынъ себеплерини джумхуриет башы Сергей Аксенов тевсир этти, мемур тамам онынъ талабы иле ариза язды.

«Смирновнынъ ишини семересиз деп саям. Комитет иле кечирильген миллий сиясет саасында тедбирлер эсасен формаль тюс ташый эди. Миллий джемиетлер иле багъ керекли дереджеде дегиль эди», — деп, язды Сергей Аксенов ичтимаий агъларда озь саифесиде.

Миллетлерара мунасебетлер, губернатор айткъанына коре, пек муреккеп ве дуйгъулы саа, хусусан Къырымда, ве мында эписи миллетлер векиллери иле буюк иш кечирмек керек.
«Чешит миллет Къырым сакинлери иле эр кунь кечирильген систем иш ерине, гражданларны къабул этюв ерине, Къырым боюнджа доланув ерине, ич бир мана ташымагъан байрам тедбирлерге дикъкъат айырыла эди», — деди КъДж башы.
Караимлернинъ турмушы ве медениети Багъчасарайда сергиде такъдим олунаджакъ

Заур Смирнов 1976 сене январьнинъ 18-де Таджикистаннынъ Ленинабад (шимди Худжанд) шеэринде догъды. Одесса шеэринде «Укъукъшынаслыкъ» зенааты боюнджа миллий адлиевий академияны битирди».

1999 сенеден 2013 сенегедже Ялта шеэр шурасынынъ миллетлерара ишлер ве миграция боюнджа идаренинъ мудири вазифесинде чалышты. Къырым Джумхуриети Русие эркянына кирген сонъ 2014 сененинъ апрель айындан берли Къырым Джумхуриет Миллетлерара мунасебетлер ве сюргюн этильген гражданлар ишлери боюнджа девлет комитетининъ реиси вазифесине тайин этильди. Эвли, эки огълуны тербиелей.

 

Махсулат Москва шеэрининъ кутьлевий малюмат васталары ве реклама Департаментининъ маддий дестеги иле чыкъарылды