«Калинов Мост» такъымынынъ музыкаль услюбини журналистлер сыкъ алда фолк-рок киби бельгилейлер, амма коллектив о къадар озьгюн ве жанр черчивелерине сыгъмай.  Сонъки вакъытта такъымнынъ лидери Дмитрий Ревякин такъымнынъ иджадыны бир къач кере «земаневий казак йырлары» деп адлагъан эди.

Такъымнынъ есрлевасы да тимсаль ташый. Рус халкъ масалларында калинов мост (къызгъан, атешли копюр) — къараман менфий кучьнен курешкен ердир. Бу эйилик яманлыкънен чатышкъан ер. Бу яхшылыкъ ве яманлыкъ курешининъ тимсали.

«Мен фестивальде "Калинов мост" такъымы иштирак эткенине пек къуванам», — деп, бильдирди «Русское поле» фестивалининъ бедий ребери,  рок-чалгъыджы Александр Ф. Скляр.

Бу коллективнинъ джельп этилюви, онынъ сёзлерине коре, фестиваль ичюн пек буюк мувафакъиеттир.

«Бу рус рокынынъ патриархлери, бу ойле бир такъым ки, о эр даим озь идждында рус медениетининъ терен къатламларыны талиль этти. Дмитрий Ревякин — энъ кучьлю рус рок-шаирлеринден биридир — о сёз иле эр вакъыт муракълы ве муреккеп иш алып барды. Такъым фестивальнинъ концепциясына пек келише, онынъ иштираги — буюк мувафакъиет», — деди чалгъыджы.

Фестивальнинъ даа бир багъшышы — «Скрэтч» адлы Вологод шеэрли рэп-такъымнынъ чыкъышы оладжакъ. Оларнынъ «Память» серлевалы композициясыны  интернет-топлулукъ  бир агъыздан Улу Ватан дженки акъта энъ гузель земаневий йыр оларакъ таныды.  

Иджадий экспериментлер де оладжакъ. Рок- ве рэп-иджраджылар симфоник оркестр ве Буюк рус хор иле чыкъышта булунаджакълар. Бу сене бинъден зияде иштиракчи топланаджагъы беклениле.  870-йыллыкъ юбилейи шерефине Москвалы Буюк рус хоры пайтахт акъкъында эр кезге белли олгъан йырлардан попурри янъгъырайджакъ. Экинджи попурри адетиндже рус халкъ йырларындан ибарет оладжакъ.

«Бир тарафтан, биз тильге, йыргъа буюк урьмет ве мукъайтлыкънен янашамыз. Башкъа тарафтан, земаневий везин иле земаневий обработка япамыз, давуллар, синтезаторлар, телли алетлер иле. Нетиджеде йырларны тек уйкен несильлер дегиль де, яшлар да бегенелер. Аякълар озю-озюнден ойнап башлайлар, мен буны озюм дуям», — дей, фестивальнинъ баш дирижери, Русие халкъ артисти  Павел Овсянников.

«Русское поле» адлы Авропада славян санатынынъ энъ буюк фестивали эр йыл 3 бинъден артистни, эснафчыларны ве 200 бинъ сейирджини топлай. Фестивальде «Калинов мост» такъымы, Александр Ф. Скляр ве  «Ва-БанкЪ» такъымы, «Ярилов зной», «Губерния», «Кватро», «Скрэтч», Кубань казак хоры ве Русиенинъ энъ гузель хорлары чыкъышта булунаджакълар.

Махсулат Москва шеэрининъ кутьлевий малюмат васталары ве реклама Департаментининъ маддий дестеги иле чыкъарылды